Til ferðafélaga

Enginn fær með orðum lýst 
undrum móður jarðar. 
Hefur okkur finna fýst 
faðminn Skagafjarðar. 
 
Þarna lifðum Drottins dag, 
Drangeyjar við kletta. 
Fugl í bjargi lífsins lag 
lék við hafið slétta. 
 
Þó að okkur flytji fley, 
fögnuð lífið bjóði, 
fegri perlur eignumst ei 
í okkar minjasjóði. 
 
Inn til dala, út við sjó, 
áttum góðar stundir. 
Mesta gildið gæfu þó 
glaðir endurfundir.