Um vefinn

Í lok síðustu aldar setti Margrét upp sinn eigin vef undir yfirskriftinni ÓMÓ-vefurinn, þar sem hún birti sýnishorn af eigin efni, auk þess sem þar mátti finna ýmislegt tengt hugðarefnum hennar, s.s. sönglagatexta, krakkaleiki, gamansögur úr skólalífinu, tengla á föndur, frásagnir úr ferðalögum og uppskriftir að góðum réttum.

Á nýjum ÓMÓ-vef er höfundarverki Margrétar haldið á lofti, bæði lögum og ljóðum, og gefin svolítil innsýn í hennar líf. Að auki fá tvö söfn sem Margrét hélt til haga á gamla vefnum hér nýjan bústað, annars vegar viðamikið söngtextasafn úr ýmsum áttum og hins vegar safn krakkaleikja sem Margrét skráði niður.