Margrét samdi fjölda sönglaga í gegn um tíðina, langoftast við frumsamin ljóð og kvæði. Í nokkrum tilfellum samdi hún lög við texta annarra en einnig átti hún til að snara textum erlendra laga yfir á íslensku. Flest lögin sem hér eru birt samdi Margrét sjálf en í nokkrum tilvikum er um lög annarra að ræða við texta Margrétar. 

Hægt er að nálgast nóturnar hér með því að hlaða þeim niður. Öllum er frjálst að nota lögin s.s. í kennslu eða til einkanota svo fremi sem höfundar er getið. Afla þarf heimildar hjá afkomendum Margrétar ef nýta á verk hennar til útgáfu, í auglýsingar eða í viðskiptalegum tilgangi.