Limrur

Nú finnst mér ég vera að vaxa
því víst er ég farin að baksa
við ærískan stíl
með fílósófíl
og fæði af mér limrur – í taxa.

—

Hann Halli er hreint engin bleyða
né haldinn af andlegum leiða.
Um gjörvallar trissur,
með gildrur og  byssur,
er garpurinn alltaf að veiða.

—

Henni Gvendólínu var gefið
gæðatóbak í nefið.
En þá fór í verra
er þurfti’ hún að hnerra
og þakið fauk út í sefið.

—

Ég þekki einn veraldarvarg
sem viðhefur rifrildi’ og sarg.
Í bóndanum þvargar
og bölvar og gargar
svo berst út á torg hennar arg.

—

Nú farinn til himna er Haraldur
því hérna gekk bölvaður faraldur.
En huggun var þó
er Haraldur dó
að hundrað og átta hans var aldur.