Þakkir

Það er margt svo þakkarvert í þessu lífi
Því er best að hætta kífi.

Lítum bara á landið okkar ljúfa, kæra
lífsgæðin mig endurnæra.

Fjöllin reist og fossar sem á flúðum duna
fegra hérna náttúruna.

Loftið hreint og lindir tærar lífs á vegi
lofa ég á hverjum degi.

Af heitu vatni höfum nóg, því hlýjar okkur
hitaveitu- gamall stokkur.

Laufin spretta, lifnar allt og lóan syngur
ljúft að vera Íslendingur.