Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Fram í heiðanna ró
Fram í heiðanna ró fann ég bólstað og bjó
þar sem birkið og fjalldrapinn grær.
Þar er vistin mér góð, aldrei heyrist þar hnjóð,
þar er himininn víður og tær.
Heiðarbóli ég bý,
þar sem birkið og fjalldrapinn grær.
Þar er vistin mér góð, aldrei heyrist þar hnjóð,
þar er himininn víður og tær.
Mörg hin steinhljóðu kvöld upp í stjarnanna fjöld
hef ég starað í spyrjandi þrá.
Skyldi’ ei dýrðin í geim bera’ af dásemdum þeim
sem vor draumfagri jarðheimur á.
Heiðarbóli ég.................
Þetta loft er svo tært. Finnið þytmjúkan þey
hve hann þyrlar upp angan úr mó.
Nei, ég vildi’ ekki borgir né blikandi torg
fyrir býlið í heiðanna ró.
Heiðarbóli ég..................
Friðrik A. Friðriksson