Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Önnur sjónarmið
Eitt sinn skaut hinn ofurlitli Amor
ör með segulstál,
sem feyktist burt og flögraði útí buskann,
en laust um sumarmál
lenti hún í minni sál.
Ég var bara líf sem vildi lifa
langan, heitan dag.
Ég var bara víf sem vildi syngja
vorsins dægurlag
og hugsa ekk’um sólarlag.
Ástin heimtar
löngum langa bið
leikur með þig til og frá.
Stelur kossi, staldrar við
stutt, og gengur síðan hjá.
Senn er liðin þessi bið
Lokast leiðin fram á við
og hverfa önnur sjónarmið.
Mun ég samt sem áður elska þig?
Ég var bara líf sem vildi lifa
og söng til þín mitt ljóð.
Lagið mitt var vorsins dægurfluga
sem villtist fjótt af slóð,
og fuðraði’ upp í kvöldsins glóð.
Ástin heimtar ...
Þá er liðin þessi bið
og lokuð leiðin fram á við.
Og horfin önnur sjónarmið.
Ég mun samt sem áður elska þig.
Hverfa önnur sjónarmið.
Ég mun samt sem áður elska þig.
Hilmar Oddsson