Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Þér við hlið
Úti vindurinn grætur
Hver er það sem að hvíslar að mér
Í draumi um nætur
“Ég er vonin sem vakir og sér”
Ég vernda þig og leiði þig
Í draumi vaki yfir þér
Ég vernda þig og ég stend þér við hlið
Ég er svar… við bæn
Ég mun vaka yfir þér
Já svar við þinni bæn
Ég vernda þig
Og stend þér við hlið
Ég er röddin… sem hvíslar að þér
En vindurinn grætur
Hver er það sem að hvíslar að mér
Í draumi um nætur
“Ég er vonin sem vakir og sér”
Ég vernda þig og leiði þig
Um veröld sem þekki ég svo vel
Ég vernda þig og ég er þér við hlið
Ég er svar… við bæn
Já ég vaki yfir þér
Já svar við þinni bæn
Ég vernda þig
Og stend þér við hlið
Ég er röddin… sem hvíslar að þér
Magnús Þór Sigmundsson