Vísur úr ferðalögum um landið

Dýrðarljóma sendir sól, 
sigrar myrkrið nætur. 
Sumarblóma hvítum kjól 
klæðast fjallarætur. 
 
— 
Unaðsstundir átti hér 
undir fjallaskörðum. 
Gott að kynnast ætíð er 
öræfanna vörðum. 
 
— 
Þó mig hremmi kuldakló, 
Kári gnauði á fjöllum, 
alltaf finn ég yndi og ró 
inn á Hveravöllum. 
 
— 
Rokið okkur ruglar nú, 
reynist skapið digna. 
Það er okkar traust og trú
að taki brátt að lygna.