Án titils

Einum hef ég unnað hér
yndislegum sveini.
Vera æ ég vil hjá þér,
vinurinn minn eini.
 —
Ó, hve mundi undurfljótt 
öllum sorgum linna, 
ef ég fengi nú í nótt 
nálægð þína finna. 
 —
Flúinn sálarfriður er, 
falin ást ei dvínar. 
Blíðan sem að bauðstu mér 
brennir varir mínar. 
— 
Í faðmi þínum finn ég best 
hve fögur ástin er. 
Þá bærist mér í brjósti flest 
sem best ég veitt get þér. 
— 
Þegar felur þokan grá 
þessa fögru heima, 
sólarylinn finn ég frá 
faðmi þínum streyma. 
— 
Ef þú sýnir aðeins mér 
undraveröld þína, 
ég skal gefa aftur þér 
alla blíðu mína. 
— 
Ekki þrátta nú á ný. 
Nái ég sáttum þínum, 
lægja máttu ókyrrð í 
eðlisþáttum mínum. 
— 
Allt mitt líf og innri ró 
er í hendi þinni, 
ástin sem að áður bjó 
innst í sálu minni. 
— 
Víst mun hlýna vinur minn, 
veröld skína bjarta. 
st til þín ég ennþá finn< 
innst í mínu hjarta.