Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Drip-drop drip-drop
Drip-drop drip-drop drip-drop drip-drop,
Hvað er það sem rignir svo regnhlífarnar á?
Hvað rennur svo bólstrunum svörtu frá?
Það er vatnið, vatnið, ekkert nema vatnið.
Drip-drop drip-drop drip-drop drip-drop,
Hvað er það í skýjum sem skreytir loftin blá,
sem skipin og bátarnir sigla á?
Það er vatnið, vatnið, ekkert nema vatnið.
Drip-drop drip-drop drip-drop drip-drop,
Hvað er það sem alls staðar liggur kringum lönd
og leikandi gjálfrar við sjávarströnd?
Það er vatnið, vatnið, ekkert nema vatnið.
Drip-drop drip-drop drip-drop drip-drop,
Hvað er það sem börnin sig baða stundum í,
en breytist í ís þegar frost nær því?
Það er vatnið, vatnið, ekkert nema vatnið.