Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Elsku vinurinn góði
Nú er úti norðanvindur,
nú er hvítur Esjutindur.
Ef ég ætti úti kindur
myndi ég láta þær allar inn,
elsku besti vinurinn.
:,: Umbarassa, umbarassa,
umbarassassa :,:
Upp er runninn öskudagur,
ákaflega skýr og fagur.
Einn með poka ekki ragur
úti vappar heims um ból,
góðan daginn - gleðileg jól.
:,: Umbarassa, umbarassa,
umbarassassa :,:
Elsku besti stálagrér
heyrirðu hvað ég segi þér -
þú hefur étið úldið smér
og dálítið af snæri,
elsku vinurinn kæri.
:,: Umbarassa, umbarassa,
umbarassassa :,:
Þarna sé ég fé á beit,
ei er því að leyna.
Nú er ég kominn upp í sveit
á rútunni hans Steina.
Skilurðu hvað ég meina?
:,: Umbarassa, umbarassa,
umbarassassa :,:
Höfði stingur undir væng,
hleypur nú á snærið.
Hún Gunna liggur undir sæng,
öll nema annað lærið.
Nú er tækifærið.
:,: Umbarassa, umbarassa,
umbarassassa :,:
Ólafur Kristjánsson o.fl.