Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Ljúfa vina
Hvert sem mig ber á braut, bárum hafs og landi á,
ég elska þig og þú elskar aðeins mig, engan nema mig
því ung varst þú ætluð mér, ísaköldu landi á.
Ég elska þig og ekki skal okkar höll verða reist á sandi.
Ung varst þú ætluð mér ísaköldu landi á.
Ég elska þig og ekki skal okkar höll verða reist á sandi.
Hvert sem mig bæri á brautu ég flyttist til þín á ný.
Læðumst svo lautu í, ljúfa vina af því
að ung varstu ætluð mér ísaköldu landi á.
Ég elska þig og ekki skal okkar höll verða á sandi reist.
Ólafur Gaukur Þórhallsson og Indriði G. Þorsteinsson