Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Ævintýri á gönguför
Ævintýri á gönguför
Úr fimmtíu senta glasinu ég fengið gat ei nóg,
svo fleygði ég því á brautina og þagði,
- en tók upp aðra pytlu og tappa úr henni dró
og tæmdi hana líka á augabragði.
Mér sortnaði fyrir augum og sýndist komin nótt,
í sál og líkama virtist þrotinn kraftur.
Ég steyptist beint á hausinn, en stóð upp aftur fljótt
og steyptist síðan beint á hausinn aftur.
Svo lá ég eins og skata, uns líða tók á dag,
leit út sem mig enginn vildi finna.-
Ég hélt væri dauður og hefði fengið slag
og hefði kannski átt að drekka minna.
Þó komst ég samt á fætur og kominn er nú hér,
en kölski gamli missti vænsta sauðinn,-
og loksins hefur sannast á Lazarusi og mér
að lífið það er sterkara en dauðinn.
K.N. Júlíusson