Söngtextasafn
Það má segja að söngtextar hafi verið ær og kýr Margrétar. Fyrir utan að búa til eigin texta safnaði hún saman miklum fjölda texta eftir aðra höfunda sem hún birti á vefnum sínum og varð safnið fljótt vinsælt til uppflettinga. Textarnir endurspegla vel hversu fjölbreyttan smekk Margrét hafði á tónlist, allt frá barnagælum og trúarkvæðum til gamalla dægurlaga og nýrri. Safnið hennar er hér birt nánast óbreytt eins og það var þegar Margrét hætti að uppfæra vefinn sinn í kring um 2015. Höfunda er getið eins og hægt er og eru ábendingar um höfunda þar sem þá vantar vel þegnar og eins ef textar eru hér birtir í óþökk höfunda þeirra.
Dægurlagasöngkonan Margrét
Dýrin í Afríku
Hér koma nokkrar vísur,
sem þið viljið máske heyra,
um dýrin úti’ í Afríku,
um apana og fleira.
Hoja, hoja, a, ha, ha,
hoja, hoja, a, ha, ha,
um dýrin úti’ í Afríku,
um apana og fleira.
Hæst í trjánum hanga þar
hnetur og bananar.
Þar hefðarapar hafa bú,
þeir heita bavíanar.
Hoja, hoja.........
Úr pálmablöðum eru gerðar
apabarnavöggur,
en barnfóstran er voða gamall
páfagaukaskröggur.
Hoja, hoja.........
Og hér þarf ekkert slökkvilið,
og engan brunahana,
því fíllinn slekkur allan eld
með ógnarlöngum rana.
Hoja, hoja.........
Og kóngurinn í skóginum
er ljónið sterka’ og stóra.
Hans kona’ er ljónadrottningin,
hún étur á við fjóra.
Hoja, hoja.........
Í trjánum sitja fuglarnir
og syngja allan daginn,
og vatnahestur bumbu ber,
og bumban það er maginn.
Hoja, hoja.........
Þetta’ er fjörug músík
svo öll dýrin fara’ að dansa.
Þau dansa fram á rauða nótt
og vilja ekki stansa.
Hoja, hoja.........
Hjá gíröffum var sút og sorg,
og svei mér ekki’ af engu,
því átta litlir gíraffar
illt í hálsinn fengu.
Hoja, hoja.........
En nashyrningur læknir kom
með nefklemmur og tösku.
Og hann gaf öllum hálstöflur
og hóstasaft af flösku.
Hoja, hoja.........
Krókódíllinn stóri hann fékk
kveisu hér um daginn.
Hann hafði étið apakött
sem illa þoldi maginn.
Hoja, hoja.........
Svo var skinnið skorið upp
það skelfing var að heyra.
Kvæðið langtum lengra er,
ég lærði ekki meira.
Hoja, hoja.........